Ən çox verilən suallar

Sual: Hərbi təhsil müəssisələrində təhsil müddəti nə qədərdir?

Cavab: Hərbi təhsil müəssisələrində təhsil müddəti qəbul olduğunuz təhsil müəssisəsinə uyğun olaraq fərqlənir. Təhsil müddəti Heydər Əliyev adına Hərbi İnstitutda – 5 il, hərbi kolleclərdə – 2 il, hərbi liseylərdə – 2 il, Azərbaycan Tibb Universitetinin Hərbi Tibb Fakültəsində “Hərbi tibb” ixtisası üzrə – 6 il, “Stomotologiya” və “İctimai səhiyyə” ixtisasları üzrə – 5 il , “Əczaçılıq” ixtisası üzrə – 4 il, “Hərbi feldşer işi” ixtisası üzrə isə – 3 ildir.

Sual: Peşə məktəblərində və kolleclərdə təhsilalanlar hərbi İnstitutda təhsil almaq üçün müraciət edə bilər?

Cavab: Tam orta təhsili başa vurmuş peşə məktəblərinin məzunları (tam orta təhsil haqqında attestatı olanlar), kolleclərin sonuncu kursunda təhsilalanlar Heydər Əliyev adına Hərbi İnstitutda təhsil almaq üçün müraciət edə bilərlər.

Sual: Hərbi kolleclərdən məzun olan təhsilalanlar Heydər Əliyev adına Hərbi İnstitutda təhsil almaq üçün müraciət edə bilər?

Cavab: Hərbi kolleclərdən məzun olanlar müvafiq qaydada raportla müraciət edərək (23 yaşadək) Heydər Əliyev adına Hərbi İnstitutda təhsil almaq üçün müraciət edə bilər.

Sual: Hərbi təhsil müəssiələrində təhsil alan kursantlar üçün təhsil müddətində ödənilən birdəfəlik və aylıq ödəmələr nə qədərdir?

Cavab: “Gənclərin hərbi sahədə təhsil almasının təşviq edilməsi ilə bağlı tədbirlər” haqqında Azərbaycan Respublikası Prezidentinin Fərmanına əsasən:

- Ali təhsil müəssisəsi üzrə (Heydər Əliyev adına Hərbi İnstitut):

· 500 (beş yüz) manat məbləğində birdəfəlik ödəmə;

· 150 (yüz əlli) manat məbləğində aylıq təqaüd;

· 200 (iki yüz) manat məbləğində ailə üzvlərinə aylıq maddi yardım;

· 200 (iki yüz) manat məbləğində hesabda yığılan aylıq ödəniş.

- Hərbi kolleclər üzrə:

· 500 (beş yüz) manat məbləğində birdəfəlik ödəmə;

· 100 (yüz) manat məbləğində aylıq təqaüd;

· 200 (iki yüz) manat məbləğində ailə üzvlərinə aylıq maddi yardım;

· 150 (yüz əlli) manat məbləğində hesabda yığılan aylıq ödəniş.

- Hərbi liseylər:

· 300 (üç yüz) manat məbləğində birdəfəlik ödəmə;

· 50 (əlli) manat məbləğində aylıq təqaüd;

· 100 (yüz) manat məbləğində ailə üzvlərinə aylıq maddi yardım;

· 100 (yüz) manat məbləğində hesabda yığılan aylıq ödəniş.

Sual: Hərbi təhsil müəssisələrində təhsil alan kursantlar üçün yaş həddi neçədir?

Cavab:Hərbi təhsil müəssisələrinə müraciət edən kursantlar üçün yaş həddi təhsill müəssisələrinə uyğun olaraq fərlənir.

- Heydər Əliyev adına Hərbi İnstitut və Hərbi Tibb Fakültəsinin “Hərbi tibb”, “Stomatologiya”, “İctimai səhiyyə” və “Əczaçılıq” ixtisasları üzrə:

Cari ildə mülki ümumtəhsil müəssisələrində tam orta təhsil səviyyəsini bitirmiş, qəbul ilində 17 yaşı tamam olan və 20 yaşı tamam olmayan Azərbaycan Respublikasının kişi cinsli vətəndaşları, habelə 18 yaşından 23 yaşınadək kişi cinsli, zabit rütbəsi olmayan hərbi qulluqçular və hərbi vəzifəlilər qəbul edilirlər.

- “Hərbi kolleclər” və Hərbi Tibb Fakültəsinin “Hərbi feldşer” işi ixtisası üzrə:

- Hərbi liseylər üzrə:

Cari ildə ümumtəhsil müəssisələrində orta təhsil səviyyəsini bitirmiş, qəbul ilində 15 yaşı tamam olan və 17 yaşı tamam olmayan Azərbaycan Respublikasının kişi cinsli vətəndaşları qəbul edilirlər.

Sual: Hərbi təhsil müəssisələrinə qəbul olmaq üçün minimum keçid balı nə qədərdir?

Cavab: Qəbul ilində təhsil müəssisələrinin ehtiyaclarına uyğun olaraq qəbul balı dəyişə bilər.

Sual: Heydər Əliyev adına Hərbi İnstituta hansı ixtisas qrupları üzrə sənəd qəbulu həyata keçirilir?

Cavab: Heydər Əliyev adına Hərbi İnstituta sənəd qəbulu I, II və III ixtisas qrupları üzrə aparılır.

Sual: Hərbi təhsil müəssisələrində təhsil alan şəxslər müddətli həqiqi hərbi xidmətə cəlb olunur?

Cavab: Heydər Əliyev adına Hərbi İnstitutdan, hərbi kolleclərdən və Hərbi Tibb Fakültəsindən məzun olmuş şəxslər müddətli həqiqi hərbi xidmət keçməkdən azad olunurlar.